Banaras ki divya subah, sham ki bhavya Ganga Mahaaarti, Ganga ki bahati lahro ka kal kal shor, aur hava me gunjta ‘Har Har Mahadev’ ka jayghosh- ye hai hamara varanasi (Banaras). Banaras jo sirf ek city nhi hai balki yeh jagah ek adhyatmik ahsas jise har koi apne life me ek bar jarur jeena chahta hai.
Kya aap bhi 2026 me Baba Vishwanath ke darshan karna and Varanasi explore karna chahte hai? Lekin budget kam hai, To aap chinta mat kijiye. Aaj ham apke liye Rs. 3000 ke budget me Varanasi travel guide 2 dino ka perfect plan lekar aaye hai.
2 Dino ke Itinerary plan me darshan ka samay, budget hotels and wha ke street food aur bhi chije mai apke sath share karne wala hu. Keep reading…
Banaras Kaise Pahuche aur budget ki suruvat kaha se karen?
By Train: Banaras me 3 main railway station hai- Varanasi Junction (BSB), Banaras (BSBS) aur Pandit Dindayal Upadhay Junction (DDU). Banaras ke liye trains lagbhag har city se mil jati hai.
By Flight: ‘Lal Bahadur Sastri International Airport (VNS)’ hai jo ki main city se approx 25 km dur hai.
(Note: Rs. 3000 ke es budget plan me train tickets ya flight tickets added nhi hai)
Local Transport: Banaras me kabhi bhi private taxi, cab ya auto book na karein balki pura city me apko sharing e-rickshaw mil jayenge, jiska kiraya lagbhag Rs.10-30 rhta hai. And ye apke budget ko maintain karne me help karga.
Banaras me Kahan Ruken?
Kyuki ham budget travelling kar rhe hai to apko Dashashwamedh Ghat, Godowlia Crossing or Assi Ghat ke pass room lena thik rahega. Best chij ye hai ki yhan se mandir aur ghat sab walking distance par hai.
Dharmashala ya Hostels: Banaras me backpackers ke liye hostels and dhamshalaye, guest house easily mil jayenge, jahan apko rs. 400-600 per night non ac room aaram se mil jayenge. 2 din rukne ka kharcha – Rs. 800-1200 approx.
(Suggestion Note: Festivals and weekends ya fir Srawan ke mahine me hotels ke rate badh jate hai esliye pre booking online karna thik rhta hai)
2 Days Itinerary plan
Day -1: Kashi ke kotwal, Baba Vishwanath aur Bhavya Ganga Aarti
Morning 08:00 AM- Kal bhairav Mandir: Sabse phle Banaras me ‘Kashi ke Kotwal’ ke darshan kare. Aise manyata hai ki Jab tak aap Kashi ke Kotwal ke darshan nhi karenge tab tak Kashi me entry ki anumati nhi milti.
(Entry Free hai. E rickshaw ka kiraya : Rs. 20)
Note: Agar apko line se bachna chahte hai to special tickets available hai 300 rupay me.
Afternoon 12:00 PM – Shree Kashi Vishwanath Dham: Dopher ke time par Baba Vishwanath ke darshan kare es time par naye bhaya coridore me bheed kam rhti hai to aaram se darshan kar sakte hai. Yaha se pass me hai Mata Annapurna Mandir aur Vishalakshi Saktipith jarur jana chahiye. (Entry Free hai)
Evening 05:00 PM- Dashashwamedh Ghat Maha Aarti: sham ko Banaras ki sabse famous Ganga Aarti jarur dekhe. Sbse aage sidhiyo par baithne ke liye 5:30 bje tak vha baith jaye aur agar aapko Aarti nav se dekhna hai to sharing boat milte hai jiska ticket Rs. 100 – Rs. 150 hai.
Night 08:30 PM- Manikarnika Ghat: Aarti ke bad walk karte karte Manikarnika Ghat (Mahasamshan) par jaye jaha apko jivan ki sacchai dekhne ko milti hai. Ab yhan se nikal kar Banaras ki famous Kachori Gali, Vishwanath gali ki sair kare.
Aaj ka din khatam, ab kal chalenge kahi aur Day-2.
Day-2: Subah-e-Banaras, Ghat ki sair, BHU and Sarnath
Morning 05:00 AM – Assi Ghat: Aaj ka din aap assi ghat ki aarti, vadic matra aur sastriya sangeet se kare. Aur sunrise boat ride le aur sunrise ke sath sath banaras ka ghato ka maja le. Boat ka kiraya kuch Rs.100-150 aur 84 ghato ka khubsurat najara le.
Morning 09:00 AM- Sankat Mochan Hanuman aur Durga Kund: Ghat ghumne ke bad nasta kare aur sharing auto lekar ‘Sakat Mochan Hanuman Mandir’ aur ‘Mata Durga Mandir’ ke darshan kare.
Morning 11:30AM – BHU: Eske bad ‘Banaras Hindu University’ (BHU) ghumen. Yahan ka environment kafi shanti dayak hai aur yahan ka ‘Vidla Mandir’ ko dekhne layak hai.
Afternoon 02:30 PM- Sarnath ki Yatra: Ab aap sharing auto ya bus lekar sarnath nikal jaye (Kiraya rs. 40-50). Sarnath me hi bhagwan buddh ne pahla updesh likha tha. Yahan musium dekhe ( Entry ticket: Rs, 40).
Banaras ka famous Street food (Food Budget: Rs-600/- Approx)
Khane ke bina to har trip adhuri hai aur fir ye to banaras hai, yhan street food bahut famous hai. Yahan ka street food bina khaye aap rah hi nhi payenge aur ye sasta bhi hai.
- Godowlia or Ramnagar me Subah ka nasta kare yahan ki kachori sabji aur jalebi bahut famous hai. (Rs. 40-50).
- ‘Kashi chaat Bhandar’ tamatar chaat aur aloo tikki chat ke liye bahut famous hai, jarur taste kare ( Rs. 50-70).
- Sweets: ‘Pahawan lassi’ yahan ki malai mar ke gadhi lassi aur sardiyo me milne wala maliyo bahut famous hai (Rs. 40-60).
- Akhir me Banarasi pan khana bilkul na bhoolen. Ye Banaras ka signature hai. (Rs. 20)
3000 Rupees ke budget ka breakdown (Per Person)
- 2 Nights Hotels or Dharmshala: Rs. 800/-
- Local transport (E-ricksaw): Approx 400/-
- 2 Dina ka Khana -Pina : Approx Rs. 700/-
- Boat Riding (Dashashwamedh Ghat and Assi ghat) : Rs. 300/-
- Sarnath trip and entry ticket: Approx Rs. 200/-
- Pooja samagri and other kharche : Approx rs. 300/-
- Special darshan ticket – Rs. 300/-
So 3000 rupay me aap aaram se banaras ghum sakte hai.
Shopping in Banaras: Kahan se kharide asli banarasi saree and handcrafted items?
Yahan se jate jate shopping karna to banta hai, yahan ki famous banarasi saree, lakdi ke bane hue item jarur se le. Kam budget me acchi khariddari karne ke liye kuch bato par jarur dhyan de:
- Gadowlia aur chowk bazar me apko kafi variety mil jayegi sarees and dupatte ki wo bhi kafi reasonable rate par.
- Kunj Gali and Madanpura Banarasi sarees ke liye wholesale market hai. Agar apko jyada saree ya dupatte lene hai to yahan jana shi rahega showroom ke mukable yahan apko kafi sahi damo me mila jayega.
- Auto ya e-ricksaw wale commission lete hai esliye wo apko mahangi dukano par le jayenge. To unse bache aur apne budget ke hisab se jagah ka choose kare.
Banaras trip ke liye kuch ‘Pro-Tips’ and Rules
- Lockers Available: Kashi Vishwanath Mandir me Mobile, Belt, Purse, Digital Watch ke sath jana allowed nhi hai. Apna saman mandir ke baher niji locker ki suvidha hai wahan rakhwa de (Rs. 20-50). Locker safe hai apke saman ke liye.
- Agar apko garbh griha me jaker shivling ko chuna hai yani sparsh darshan karne hai to ladies to saree and gents ko dhoti kurta pahanna jaruri hai.
- Darshan ke liye Special ticket eski website par available hai to nakli guide se fraud hone se bache.
- VIP ticket Rs. 300 me available hai jiska name hai sugam darshan.
- Kashi Vishwanath baba mandir subah 03:00 AM baje khul jata hai and raat ko 11:00 baje band ho jata hai. Aur subah mangala aarti ka time hai 3:00 baje se 4:00 baje tak. Aagar mangla aarti me darshan karne hai to official website par ticket booking jaroori hai. (Rs. 500).
- General Darshan Subah ke 4:00 AM se 11:00 AM and Dophar me 12:20 PM se 7:00 PM tak free darshan hote hai.
- Darshan Band: Subah 11:15 AM se Dophar ke 12:20 PM ke beech me bhog lagaya jata hai, esliye general darshan band hote hai.
Conclusion:
So es Varanasi travel guide maine kosis kari hai ki mai apke sare sawalo ka answer kar saku. So, Banaras ghume aur wha ki street chaat experience jaroor kare.and comment me ‘Har Har Mahadev’ Jaroor Likhe! Aur aise hi aur blogs ke liye suggestion de.
Other city ya other tourist destination ke bare janne ke liye my blogs par jaye.
FAQ's
Q. Kashi Vishwanath Mandir me darshan karne ka best timing kya hai?
A. Afternoon 1:00 PM – 4:00PM, kyuki es time par bheed kam hoti hai.
Q. Kashi Vishwanath Kitne bje tak khula rhta hai?
A. Morning 3:00AM to Night 11:00 PM. General darshan 4:00 bje se suru ho jate hai.
Q. Darshan ke liye dress code kya hai?
A. Sparsh Darshan ke liye traditional kapde jaroori hai (Saree and dhoti kurta). General darshan ke liye koi dress code nhi hai.
Q. 2 Din Banaras ghumne me kul kitna kharcha hota hai?
A. 2700 se 3000 Rupees per person kharch ho jata hai, jisme train ya flight tickets added nhi hai.
Q. Banaras me kya – kya famous hai?
A. Banarasi pan ke sath sath Banarasi saree, handcraft items aur yahan ka street food bahut famous hai.